我HOLD 物業果間有限公司係新買番黎轉名，一個股東公司，完全冇 Financial Statements，咩資產都冇，係空殼公一間，但我以個人擔保去借，我在銀行可以借到。銀行主要睇番公司借錢目的、股東個人信貸紀錄同還款能力而決定 批唔批貸款。因為我出糧間公司我係股東之一，所以銀行要埋我公司既稅單同Financial Statements，再加上我自己個人既稅單，銀行收租紀錄，租約Copy......咁就會批，我個case 係無難度。如果唔係自已公司出糧就仲簡單，只要準備糧單、稅單同銀行月結單已經OK。
一個人既信貸額，銀行一做個SEARCH就知，我問 過BANKER，不過信貸資料庫暫時係冇擔保人紀錄，只有銀行內部先知。如果再攪第二間公司果陣搵第二間銀行做按揭，A銀行既內部擔保人資料在 B銀行係無紀錄。成立有限公司係有成本，不過佢都可以食左好多開支，例如，經紀佣金、厘印費、律師費、....、飲飲食食。有限公司部份開支係可以扣稅， 但係以個人收入評稅就要硬食。所以要視乎情況先決定用唔用有限公司黎HOLD物業，呢個要自己計數，唔好為開而開。
我會計師話有樣野叫做 Capital gain，香港現行既稅制只要附合某Ｄ條件 Capital gain 係可以免稅，但係炒樓快黎快去呢樣就未必用得著呢招。因為我個會計師會佢最了解我同我公司個情況，佢會幫我度個最有利既安排，可以合法地去減小稅項支出。
"個人炒樓賺錢，只要有合理解釋，有可能將利得稅豁免"－－好同意！ 我有個朋友就老作左好多借口，咩買比阿媽住阿媽唔鐘意之後賣左；咩風水師傅睇過話唔岩我住之後賣左；咩想阿仔返學近Ｄ但最後阿仔報左第二間學校.... 。佢係擺明炒樓想避稅！
