就以近期熱門的屋苑翠屏花園為例：樓價100萬，供七成供30年，選十年定按3.78厘，月供3250，利息支出2200，咁即係話以市值租金5000減差管再減供款賑面都有一千剩，實質連供本就有二千，以首期三十萬計實質回報咪有八厘，即係叫你買樓收租唔使驚啦！
或者你諗住買本自住又無首期，咁咪做九成半按揭囉(唔知得唔得呢？當佢得先啦！)！首期五萬，月供4400，利息支出3000，咁係咪平過租重每個月儲緊1400，點解唔買呢？保証十年唔加你租喎！如果真係咁，個市點會跌呢？
1. 一舊樓，約值百三萬，供完。現正出租，租金五千。
2. 自住樓值約260萬，供緊。打算明年或後年贖回。但贖完手頭會幾乎冇晒現金。
3. 供兩層樓，壓力頗大，因為份工唔太穩陣
4. 樓按不能做到三十年，認為靠租金應該唔夠供。
所以, 贖回係咪最穩陣？
