上船前先到碼頭『新濠天地』辦事處攞一百蚊泥碼券，之後我哋去嗰間賭場對賭百家樂庄閒， 是 但開邊面都套現五十蚊左右，呢五十蚊會撥落公數做午餐費，即我哋每日開工都有咗飯錢，今日連埋你八個人，就有大約四百蚊午飯錢，都可以食得幾豪o架。」阿 明笑着說，大軍未出發，糧草已先安頓。
至於船票方面的使費，阿明則會帶隊到威尼斯人賭場「打分」，玩法是賭客在該賭場的電子骰寶或輪盤機等 下注總額達一千元後，便可賺取一分，如儲夠兩分，賭場便送出一張船票，阿明便出「蠱惑」招賺分。
「嗱！你連續買七鋪一百五十蚊大、一百五十 蚊小及十蚊全圍，包唔會輸，七鋪總投注額共二千一百七十蚊，咁已經攞咗兩分。最差的情況係七鋪都唔開圍骰，咁你咪當用七十蚊買一張船飛囉，百二蚊賣出去你 仲有幾十蚊賺添。如果中間有開一賠幾十倍的圍骰，你咪有免費船飛之餘兼贏錢囉。」阿明老實不客氣地說，賭場最近發現此漏洞，為杜絕有人轉售船票圖利，於是 規定每人廿四小時內只可出一次船票，故他們現在只能以此方法賺自己的交通花費。
「炒 股、炒樓叫投資，買庄閒、大細、番攤就叫賭博？其實呢啲係一般世俗人嘅誤解啫，我當職業賭徒係投資，落注前都有分析有理論，每一條『路』，單跳、長庄、長 閒……等等都有路可捉，你只要唔好爛賭就得啦，你唔信，問吓其他團友呀，唔係邊有咁多人加入我哋賭團？」阿明坦言，自己並沒有百分百必勝的賭術，他只是利 用傳統百家樂及番攤的「路」來下注，勝算比普通人高一點，由於免除了船票及食用的基本使費，加上嚴守下注紀律和有耐性，故每日平均都可贏三至四百元，每月 便有八、九千元的收入，其實跟打一份工差不多，只是沒有那麼辛苦。
